Май 20-öд лунö «Пожöг» кооператив районын медводзын петiс муяс вылö.

 Медводдза лунас кольöм вося арын гöрöм 89 гектарысь агсалiсны 54-сö. Вынсьöдiсны минеральнöй удобрениеöн да 27 гектар вылö кöдзисны «Вика», зöр, шобдi да анькытш öти вося турунъяс. Водзмöстчысь овмöс уджалö Великопольеса муяс вылын. Великопольеын кындзи Пожöгдiнын, Кекурын да Вомынбöжын урчитiсны кöдзны 430 гектар.

Муяс вылын öтпырйö мургö квайт трактор. Овмöс дасьтысис эз сöмын гöра-кöдза, но и кöрым заптан кад кежлö. Босьтiсны кык выль трактор, öтиыс Китайын вöчöм, гöр, кöдзан, удобрение коялан, кык ытшкан, ытшкöм турун кык топöдан, кöрым идралан комбайн, гöрддзым новлöдлан прицеп.

 Мед сöмын вöлi бур поводдя, да мед эз таляв да пакöстит сиктсаяслöн скöт.
Анастасия Ярова, видз-му овмöс юкöнöн веськöдлысь.
Снимок Гамиль Балоглановлöн.